トップボタン

日本語教師/シム セッティシャー

大事にしていることは、

何事も「本気でやる」こと。

Q. 日本語教師になった理由は?

シム セッティシャー
ស៊ឺម សិទិ្ធស្យា

ខ្ញុំជាគ្រូបង្រៀនភាសាជប៉ុន នៅឯសាលាពាណិជ្ជសាស្ត្រតាយ៉ាម៉ា។ មូលហេតុដែលខ្ញុំសម្រេចចិត្តធ្វើជាគ្រូបង្រៀនភាសាជប៉ុន នៅសាលាពាណិជ្ជសាស្ត្រ តាយ៉ាម៉ា ក៏ព្រោះដោយសារហេតុផលពីរយ៉ាង។ ហេតុផលទីមួយគឺដោយសារតែខ្ញុំចង់ ពង្រឹងភាសាជប៉ុនរបស់ខ្ញុំបន្ថែមទៀត។ ហេតុផលទីពីរគឺដោយសារតែការងារជាគ្រូ បង្រៀនអាចធ្វើឱ្យយើងមានឱកាសនិយាយ ក៏ដូចជាបង្រៀនអំពីបទពិសោធន៍ផ្សេងៗ របស់យើងទៅកាន់សិស្សានុសិស្ស។ នៅក្នុងអាជីពការងារជាគ្រូបង្រៀន ក៏ដូចជានៅក្នុង ជីវភាពរស់នៅផ្ទាល់ខ្លួន រឿងមួយដែលខ្ញុំតែងតែចាត់ទុកថាជារឿង សំខាន់ គឺជា ’’ការធ្វើ អ្វីមួយដោយចេញពីចិត្ត’’ ។ មូលហេតុដែលខ្ញុំគិតថា ’’ការធ្វើអ្វីមួយដោយចេញពីចិត្ត’’ មានសារៈសំខាត់ក៏ព្រោះតែខ្ញុំយល់ថានៅពេលដែលយើងធ្វើរឿងអ្វីមួយដោយមិនចេញពីចិត្ត​ នោះយើងមិនអាចទទួលបានលទ្ធផលល្អនោះទេ ម្យ៉ាងវិញទៀតជីវិតរបស់យើង ហាក់បីដូច ជាសោះកក្រោះ។ ផ្ទុយទៅវិញបើសិនជាយើងធ្វើអ្វីមួយដោយចេញពីចិត្ត នោះភាគរយនៃ ការទទួលបានលទ្ធផលល្អគឺមានខ្ពស់ ហើយជីវិតរបស់យើងក៏ហាក់ បីដូចជាស្រស់ បំព្រង ផងដែរ។​ អ្នកទាំងអស់គ្នាសាកស្រមៃលមើលថានៅពេលដែលយើងធ្វើអ្វីមួយដោយ ចេញពីចិត្ត និងនៅពេលដែលយើងធ្វើអ្វីមួយដោយមិនចេញពីចិត្ត។ ​តើវាមានលទ្ធផល និងភាពខុសគ្នាបែបណា? ច្បាស់ណាស់ថា នៅពេលដែលយើងធ្វើអ្វីមួយដោយចេញពីចិត្ត ទោះបីជាយើងទទួលបានលទ្ធផលមិនល្អក៏ដោយ ប៉ុន្តែយើងនឹងមិនមានការសោកស្ដាយ ហើយសុខចិត្តចំពោះលទ្ធផលនោះម្យ៉ាងវិញទៀតយើងក៏អាចបានដឹងពីសមត្ថភាពពិតរបស់ខ្លួនឯងផងដែរ។​ ដោយសារតែហេតុផលទាំងនេះហើយ ទើបខ្ញុំតែងតែប្រាប់ខ្លួនឯងថា ខ្ញុំត្រូវ តែខំប្រឹងប្រែងដោយចេញពីចិត្តឆ្ពោះទៅកាន់អនាគតដ៏ភ្លឺស្វាងរបស់ខ្ញុំ។​ ជាចុងក្រោយរឿងដែលខ្ញុំចង់ផ្ដាំផ្ញើទៅកាន់អ្នកទាំងអស់គ្នាគឺ ‘’សូមខំប្រឹងប្រែងដោយចេញពីចិត្តឆ្ពោះទៅកាន់អនាគតដ៏ភ្លឺស្វាងរបស់អ្នកទាំងអស់គ្នា’’។ សូមជួយណែនាំផង។

先生一覧 Teachars

COMTACT

お問い合わせ